Flřtilei­ir
mßnudagurinn 26. nˇvemberá2012 - 10:22 | Menningarmßl

Myndlistarsřning Halldˇrs ┴sgeirssonar

Halldór Ásgeirsson sýnir í Slunkaríki Edinborgarhúsins verk sem hann hefur hugleitt undanfarin ár og mun nú líta dagsins ljós. Yfirskrift sýningarinnar er Ferðalagið en Halldór hefur frá sinni fyrstu tíð sem myndlistarmaður haft áhuga á ferðalögum en hann orðar það svona:

 

"Frá unglingsaldri hefur líf mitt meira og minna snúist um ferðalagið, útþránna að kanna og sjá heiminn sem hefur einnig síast inn í mína list frá upphafi. Fyrsta alvöru listaverkið sem ég gerði tvítugur að aldri finnst mér vera dagbók með textum og teikningum ásamt ljósmyndum frá 9 mánaða ferðalagi um Austurlönd fjær 1977."

 

Halldór Ásgeirsson hefur frá upphafi unnið með náttúruröflin þar sem jörðin, vatnið, loftið og eldurinn koma við sögu sem hann tjáir í gegnum mismunandi miðla, svo sem teikningar og málverk, kvikmyndir, ljóð, gjörninga, innsetningar, umhverfis-verk o.s.frv.

 

Þema verka hans er oft byggt á náttúrulegum eiginleikum landsins eins og eldgosum en árið 1992 fór Halldór að sjóða hraun. Þegar hraunið er hitað með logsuðu verður það að rauðum vökva í nokkrar sekúndur og bráðnar áður en það umbreytist að lokum í svartan glerung.

Að þessu sinni er undirtitill sýningarinnar " Ég er einsog bátur á þurru landi sem þarfnast endurnýjunar ".

Vestfirðir 1986 - 2007.

 

Sýningin í Edinborgarhúsinu fjallar um alls 9 ferðir Halldórs til Vestfjarða á þessu tímabili en þar má nefna 4 sýningar í Slúnkaríki á Ísafirði auk ferða á ólíkum tímum ársins til annarra staða á Vestfjörðum sem Halldór túlkar á margvíslegan hátt í teikningum sínum, ljóð-drápum og ljósmyndum.

 

Heimasíða Halldórs <http://www.4elements.is/index.html>

 

Facebook viðburður <http://www.facebook.com/events/421691574551625/?context=create>

 

Verið velkomin á opnun þann 1.desember kl. 16:00

Þökkum menningarráði Vestfjarða fyrir veittan stuðning.

Vi­bur­adagatal
« Oktˇber »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjˇn