Flřtilei­ir

TˇnlistarfÚlag ═safjar­ar

Markmið félagsins er að efla tónlistarstarfsemi og tónlistaráhuga í Ísafjarðarbæ og eiga samvinnu við tónlistarfólk. Félagið á og rekur Tónlistarskóla Ísafjarðar og skipuleggur og annast umfangsmikið tónleikahald.

 

Stofnfundur Tónlistarfélags Ísafjarðar var haldinn 20. maí 1948 að heimili Jónasar Tómassonar, bóksala, organista og tónskálds. Boðaðir voru 12 menn og var félagið lengi 12 manna félag, en er nú öllum opið. Félagar greiða árgjald, kr. 4.500, sem jafnframt er aðgangseyrir að fernum áskriftartónleikum félagsins sem stendur að auki fyrir fjölda annara tónleika.

 

Aðalfundur er haldinn árlega og skal boðað til hans með viku fyrirvara. Í lögum um félagið segir að tilgangur þess sé að efla tónlistarstarfsemi og tónlistaráhuga á Ísafirði fyrst og fremst og víðar eftir því sem við verði komið. Einnig að félagið eigi samvinnu við starfandi tónlistarmenn og söngkóra á Ísafirði, vinni að því að jafnan sé völ á sem fjölbreyttastri og fullkomnastri tónlistarkennslu á Ísafirði og haldi uppi almennri tónlistarstarfsemi svo sem með því að fá til bæjarins tónlistarmenn, hljómsveitir og kóra, innlenda sem erlenda, til að halda  tónleika og vinna að öðru leyti að almennri tónlistarfræðslu.

 

Nánari upplýsingar um Tónlistarfélagið er að finna á skrifstofu Tónlistarskóla Ísafjarðar í síma 456 3926.

Vi­bur­adagatal
« Oktˇber »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Vefumsjˇn